Xəbərlər

Naxçıvan KOB İnkişaf Mərkəzi (KOBİM) tərəfindən "Təchizatda innovasiyalar" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Təchizatda innovasiyalar" mövzusunda maarifləndirici təlim keçirilib. Oktyabrın 28-də təşkil olunan təlimdə Naxçıvan KOBİM-in eksperti tərəfindən təchizat proseslərində yenilikçi texnologiyaların tətbiqi, rəqəmsal transformasiya, avtomatlaşdırma sistemlərinin rolu, süni intellekt və analitik alətlərin təchizat səmərəliliyinə təsiri barədə ətraflı məlumat verilib. Eyni zamanda 7 nəfər iştirakçının olduğu təlimdə innovativ təchizat modelləri, davamlı inkişaf yanaşmaları, ekoloji və iqtisadi baxımdan səmərəli təchizat üsulları, tədarükçülərlə strateji əməkdaşlıq və rəqabət üstünlüyü yaratma yolları ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.