Xəbərlər

Naxçıvan KOB İnkişaf Mərkəzi (KOBİM) tərəfindən "Ünsiyyət bacarıqları" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Ünsiyyət bacarıqları" mövzusunda maarifləndirici təlim keçirilib. Sentyabrın 27-də təşkil olunan təlimdə Naxçıvan KOBİM-in eksperti tərəfindən ünsiyyətin mahiyyəti, effektiv ünsiyyətin əsas prinsipləri, dinləmə bacarığının əhəmiyyəti, verbal və qeyri-verbal ünsiyyət formaları və müasir kommunikasiya trendləri barədə ətraflı məlumat verilib. Eyni zamanda 6 nəfər iştirakçının olduğu təlimdə empatiya və qarşılıqlı anlaşmanın rolu, komanda daxilində ünsiyyət strategiyaları, konfliktlərin idarə olunması, təqdimat bacarıqlarının inkişafı və rəqəmsal mühitdə səmərəli ünsiyyət ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.