Xəbərlər

Naxçıvan KOB İnkişaf Mərkəzi (KOBİM) tərəfindən "Vergilər və büdcə" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Vergilər və büdcə" mövzusunda maarifləndirici təlim keçirilib. Oktyabrın 20-də təşkil olunan təlimdə Naxçıvan KOBİM-in eksperti tərəfindən vergi sisteminin mahiyyəti, vergi növləri və onların tətbiq qaydaları, büdcə gəlirlərinin formalaşmasında vergilərin rolu, sahibkarların vergi öhdəlikləri və maliyyə intizamının əhəmiyyəti barədə ətraflı məlumat verilib. Eyni zamanda 8 nəfər iştirakçının olduğu təlimdə büdcə planlaşdırılması prinsipləri, vergi güzəştləri və stimullaşdırma mexanizmləri, şəffaf maliyyə uçotu, vergi risklərinin azaldılması və dövlət-biznes əməkdaşlığının gücləndirilməsi ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.