Xəbərlər

Naxçıvan KOB İnkişaf Mərkəzi (KOBİM) tərəfindən "Vergilərin praktik izahı" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Vergilərin praktik izahı" mövzusunda maarifləndirici təlim keçirilib. Oktyabrın 27-də təşkil olunan təlimdə Naxçıvan KOBİM-in eksperti tərəfindən vergi sisteminin əsas prinsipləri, vergi növlərinin tətbiqi qaydaları, vergi hesabatlarının hazırlanması, uçot sənədlərinin düzgün aparılması və sahibkarlar üçün aktual vergi tələbləri barədə ətraflı məlumat verilib. Eyni zamanda 8 nəfər iştirakçının olduğu təlimdə gəlir və mənfəət vergisinin hesablanması nümunələri, ƏDV-nin tətbiqi, sadələşdirilmiş vergi rejiminin üstünlükləri, elektron bəyannamələrin doldurulması və vergi risklərinin azaldılması yolları ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.