Xəbərlər

Naxçıvan KOB İnkişaf Mərkəzi (KOBİM) tərəfindən "Xidmət sektorunda təchizat zənciri" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Xidmət sektorunda təchizat zənciri" mövzusunda maarifləndirici təlim keçirilib. Oktyabrın 17-də təşkil olunan təlimdə Naxçıvan KOBİM-in eksperti tərəfindən xidmət sektorunda təchizat zəncirinin xüsusiyyətləri, xidmət keyfiyyətinə təsir edən amillər, resursların idarə olunması, əməliyyatların koordinasiyası və xidmət təchizatında innovativ yanaşmalar barədə ətraflı məlumat verilib. Eyni zamanda 6 nəfər iştirakçının olduğu təlimdə xidmət təchizatında rəqəmsal alətlərin rolu, tədarükçü və müştəri əlaqələrinin idarə olunması, çeviklik və səmərəliliyin artırılması, xidmət proseslərinin optimallaşdırılması və dayanıqlı təchizat strategiyaları ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.