Xəbərlər

Naxçıvan KOB İnkişaf Mərkəzi (KOBİM) tərəfindən "Yaşıl şəhərlər üçün yaşıl iqtisadiyyat" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Yaşıl şəhərlər üçün yaşıl iqtisadiyyat" mövzusunda maarifləndirici təlim keçirilib. Oktyabrın 2-də təşkil olunan təlimdə Naxçıvan KOBİM-in eksperti tərəfindən yaşıl iqtisadiyyatın mahiyyəti, ekoloji davamlı inkişaf prinsipləri, şəhər mühitində enerji səmərəliliyi, tullantıların idarə olunması və ekoloji innovasiyaların tətbiqi barədə ətraflı məlumat verilib. Eyni zamanda 6 nəfər iştirakçının olduğu təlimdə yaşıl şəhər konsepsiyası, alternativ enerji mənbələrinin istifadəsi, ekoloji nəqliyyat sistemləri, iqlim dəyişikliyi ilə mübarizə tədbirləri və şəhər infrastrukturunun dayanıqlı inkişafı ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.