Xəbərlər

Naxçıvan KOB İnkişaf Mərkəzi (KOBİM) tərəfindən "Yaşıl təchizat zənciri" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Yaşıl təchizat zənciri" mövzusunda maarifləndirici təlim keçirilib. Oktyabrın 13-də təşkil olunan təlimdə Naxçıvan KOBİM-in eksperti tərəfindən yaşıl təchizat zəncirinin mahiyyəti, ekoloji dayanıqlığın təmin edilməsində rolu, resursların səmərəli istifadəsi, karbon izinin azaldılması və dövri iqtisadiyyat prinsiplərinin tətbiqi barədə ətraflı məlumat verilib. Eyni zamanda 7 nəfər iştirakçının olduğu təlimdə davamlı istehsal və istehlak modelləri, təchizatçılarla ekoloji əməkdaşlıq, logistika proseslərində enerji səmərəliliyi, tullantıların idarə olunması və yaşıl biznes strategiyalarının formalaşdırılması ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.