Xəbərlər

Naxçıvan KOB İnkişaf Mərkəzi (KOBİM) tərəfindən "Zamanın idarə edilməsi" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Zamanın idarə edilməsi" mövzusunda maarifləndirici təlim keçirilib. Noyabrın 5-də təşkil olunan təlimdə Naxçıvan KOBİM-in eksperti tərəfindən effektiv vaxt idarəetmə prinsipləri, prioritetlərin müəyyənləşdirilməsi, məhsuldarlığın artırılması üsulları və şəxsi həmçinin iş fəaliyyətində balansın təmin olunması barədə ətraflı məlumat verilib. Eyni zamanda 9 nəfər iştirakçının olduğu təlimdə real nümunələr üzərində vaxtın səmərəli planlaşdırılması, gündəlik işlərin optimallaşdırılması, diqqət yayındırıcı amillərin idarə olunması və məqsəd yönümlü fəaliyyət strategiyaları ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.