Xəbərlər

Naxçıvan KOBİM-in təşkilatçılığı ilə "Effektiv satış bacarıqları" mövzusunda növbəti təlim keçirilib.

Naxçıvan KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 10-da Naxçıvan KOBİM-in təşkilatçılığı ilə "Effektiv satış bacarıqları" mövzusunda növbəti təlim keçirilib. 7 iştirakçının qatıldığı təlimdə Naxçıvan KOBİM-in təlimçi-eksperti tərəfindən iştirakçılara satışın mərhələləri: hazırlıq, təqdimat, müştəri etirazlarının idarə olunması və bağlanma, satışın psixologiyası və müştəri davranışlarını anlama, müştəri ilə effektiv ünsiyyətin qurulması barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.