Xəbərlər

Naxçıvan KOBİM-in təşkilatçılığı ilə " İnsan resurslarının layihə idarəetməsində rolu" mövzusunda növbəti təlim keçirilib.

Naxçıvan KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Sentyabrın 24-də Naxçıvan KOBİM-in təşkilatçılığı ilə " İnsan resurslarının layihə idarəetməsində rolu" mövzusunda növbəti təlim keçirilib. 10 iştirakçının qatıldığı təlimdə Naxçıvan KOBİM-in təlimçi-eksperti tərəfindən iştirakçılara layihə qruplarının formalaşdırılması və inkişafı, layihə hədəflərinə uyğun komandanın yaradılması, motivasiya və işçilərin performansının izlənməsibarədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb.