Xəbərlər

Naxçıvan KOBİM-in təşkilatçılığı ilə "İstehsal və ya xidmət sahələri üçün maya dəyərinin kalkulyasiyası” mövzusunda növbəti təlim keçirilib.

Naxçıvan KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Noyabrın 13-də Naxçıvan KOBİM-in təşkilatçılığı ilə "İstehsal və ya xidmət sahələri üçün maya dəyərinin kalkulyasiyası” mövzusunda növbəti təlim keçirilib. 19 iştirakçının qatıldığı təlimdə Naxçıvan KOBİM-in təlimçi-eksperti tərəfindən iştirakçılara maya dəyərinin istehsal və xidmət sahələrində fərqləri, gəlir və xərclərin bölüşdürülməsi metodları, istehsal və xidmətlər üzrə xərclərin kateqoriyalara bölünməsi barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.