Xəbərlər

Naxçıvan KOBİM-in təşkilatçılığı ilə "Kənd təsərrüfatı məhsullarının brendləşməsi" mövzusunda növbəti təlim keçirilib.

Naxçıvan KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 25-də Naxçıvan KOBİM-in təşkilatçılığı ilə "Kənd təsərrüfatı məhsullarının brendləşməsi" mövzusunda növbəti təlim keçirilib. 14 iştirakçının qatıldığı təlimdə Naxçıvan KOBİM-in təlimçi-eksperti tərəfindən iştirakçılara brend kimliyi və fərqləndirici xüsusiyyətlərin yaradılması, kənd təsərrüfatı məhsullarının brendləşməsində müasir yanaşmalar, müştəri dəyərlərinin başa düşülməsi və brendləşmə strategiyasında istifadəsi barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.