Xəbərlər

Naxçıvan KOBİM-in təşkilatçılığı ilə "Loqistika və satışın təşkili" mövzusunda növbəti təlim keçirilib.

Naxçıvan KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 24-də Naxçıvan KOBİM-in təşkilatçılığı ilə "Loqistika və satışın təşkili" mövzusunda növbəti təlim keçirilib. 10 iştirakçının qatıldığı təlimdə Naxçıvan KOBİM-in təlimçi-eksperti tərəfindən iştirakçılara satış strategiyalarının hazırlanması və tətbiqi, loqistika və satış əlaqəsinin qurulması, müştəri ehtiyaclarının öyrənilməsi və müvafiq məhsul təqdimatı barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.