Xəbərlər

Naxçıvan KOBİM-in təşkilatçılığı ilə "Marketinq tədqiqatının təşkili" mövzusunda növbəti təlim keçirilib.

Naxçıvan KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 10-da Naxçıvan KOBİM-in təşkilatçılığı ilə "Marketinq tədqiqatının təşkili" mövzusunda növbəti təlim keçirilib. 9 iştirakçının qatıldığı təlimdə Naxçıvan KOBİM-in təlimçi-eksperti tərəfindən iştirakçılara marketinq tədqiqatının rolu və əhəmiyyəti, marketinq tədqiqatının mərhələləri və məqsədləri, tədqiqat suallarının və hipotezlərin qurulması barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.