Xəbərlər

Naxçıvan KOBİM-in təşkilatçılığı ilə " Mühasibat uçotunun təşkili " mövzusunda növbəti təlim keçirilib.

Naxçıvan KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Sentyabrın 19-da Naxçıvan KOBİM-in təşkilatçılığı ilə " Mühasibat uçotunun təşkili " mövzusunda növbəti təlim keçirilib. 12 iştirakçının qatıldığı təlimdə Naxçıvan KOBİM-in təlimçi-eksperti tərəfindən iştirakçılara maliyyə hesabatlarının hazırlanması qaydaları, vergi uçotunun əsasları, hesablar planı və onun quruluşu haqqında ətraflı məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.