Xəbərlər

Naxçıvan KOBİM-in təşkilatçılığı ilə "Liderlik bacarıqları" mövzusunda növbəti təlim keçirilib.

Naxçıvan KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 17-də Naxçıvan KOBİM-in təşkilatçılığı ilə "Liderlik bacarıqları" mövzusunda növbəti təlim keçirilib. 12 iştirakçının qatıldığı təlimdə Naxçıvan KOBİM-in təlimçi-eksperti tərəfindən iştirakçılara liderlik nədir? idarəetmədən fərqləri, fərqli liderlik stil və yanaşmaları, ideal liderin xüsusiyyətləri və liderlik etikası barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.