Xəbərlər

Naxçıvan KOBİM-in təşkilatçılığı ilə " Soft skills- Təqdimat bacarıqları" mövzusunda növbəti təlim keçirilib.

Naxçıvan KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Sentyabrın 26-da Naxçıvan KOBİM-in təşkilatçılığı ilə " Soft skills- Təqdimat bacarıqları" mövzusunda növbəti təlim keçirilib. 6 iştirakçının qatıldığı təlimdə Naxçıvan KOBİM-in təlimçi-eksperti tərəfindən iştirakçılara təqdimatın mahiyyəti və önəmi, effektiv təqdimatın əsas elementləri, müxtəlif auditoriyalar üçün təqdimatın fərdiləşdirilməsi haqqında ətraflı məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.