Xəbərlər

Naxçıvan KOBİM-in təşkilatçılığı ilə "Tender-Satınalma-Təchizat" mövzusunda növbəti təlim keçirilib.

Naxçıvan KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Noyabrın 23-də Naxçıvan KOBİM-in təşkilatçılığı ilə "Tender-Satınalma-Təchizat" mövzusunda növbəti təlim keçirilib. 10 iştirakçının qatıldığı təlimdə Naxçıvan KOBİM-in təlimçi-eksperti tərəfindən iştirakçılara tender sənədlərinin hazırlanması, tender təkliflərinin qiymətləndirilməsi kriteriyaları, müqavilə bağlanması və icrası barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.