Xəbərlər

Naxçıvan KOBİM-in təşkilatçılığı ilə "Tenderlər və müqavilələrin idarə edilməsi" mövzusunda növbəti təlim keçirilib.

Naxçıvan KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 23-də Naxçıvan KOBİM-in təşkilatçılığı ilə "Tenderlər və müqavilələrin idarə edilməsi" mövzusunda növbəti təlim keçirilib. 12 iştirakçının qatıldığı təlimdə Naxçıvan KOBİM-in təlimçi-eksperti tərəfindən iştirakçılara tender prosesinin hüquqi çərçivəsi və əsas prinsipləri, tender sənədlərinin hazırlanması və təqdim edilməsi prosedurları, müqavilə şərtlərinin hazırlanması və hüquqi aspektləri barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.