Xəbərlər

Naxçıvan KOBİM-in təşkilatçılığı ilə " Turizmin marketinq planlaşdırılması" mövzusunda növbəti təlim keçirilib.

Naxçıvan KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 23-də Naxçıvan KOBİM-in təşkilatçılığı ilə " Turizmin marketinq planlaşdırılması" mövzusunda növbəti təlim keçirilib. 15 iştirakçının qatıldığı təlimdə Naxçıvan KOBİM-in təlimçi-eksperti tərəfindən iştirakçılara turizm sənayesində qlobal və yerli trendlər, hədəf bazar və auditoriyanın müəyyən edilməsi, rəqabət analizi və mövcud bazar şərtlərinin araşdırılması barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.