Xəbərlər

Naxçıvan KOBİM-in təşkilatçılığı ilə "Ünsiyyətdə bədən dilinin əhəmiyyəti" mövzusunda növbəti təlim keçirilib.

Naxçıvan KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 24-də Naxçıvan KOBİM-in təşkilatçılığı ilə "Ünsiyyətdə bədən dilinin əhəmiyyəti" mövzusunda növbəti təlim keçirilib. 10 iştirakçının qatıldığı təlimdə Naxçıvan KOBİM-in təlimçi-eksperti tərəfindən iştirakçılara bədən dilinin komponentləri: mimikalar, jestlər, göz təması, duruş, şüursuz bədən dili və onun ünsiyyətə təsiri, göz təması və səs tonu ilə mesajın gücləndirilməsi barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.