Xəbərlər

Naxçıvan KOBİM-in təşkilatçılığı ilə "Vergi hesabatlarının tərtibi" mövzusunda növbəti təlim keçirilib.

Naxçıvan KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 15-də Naxçıvan KOBİM-in təşkilatçılığı ilə "Vergi hesabatlarının tərtibi" mövzusunda növbəti təlim keçirilib. 12 iştirakçının qatıldığı təlimdə Naxçıvan KOBİM-in təlimçi-eksperti tərəfindən iştirakçılara vergi sistemi və növləri, vergi qanunvericiliyinə əsas baxış, düzgün hesabat təqdim etməyin maliyyə üstünlüklər ibarədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.