Xəbərlər

Naxçıvan KOBİM-in təşkilatçılığı ilə "Vergi qanunvericiliyi" mövzusunda növbəti təlim keçirilib.

Naxçıvan KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 11-də Naxçıvan KOBİM-in təşkilatçılığı ilə "Vergi qanunvericiliyi" mövzusunda növbəti təlim keçirilib. 11 iştirakçının qatıldığı təlimdə Naxçıvan KOBİM-in təlimçi-eksperti tərəfindən iştirakçılara vergi sisteminin əsasları və məqsədi, vergi uçotunun aparılması qaydaları, vergi uçotu və mühasibat uçotu arasındakı fərqlər barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.