Xəbərlər

Naxçıvan KOBİM-in təşkilatçılığı ilə " Vergi Qanunvericiliyi" mövzusunda növbəti təlim keçirilib.

Naxçıvan KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 23-də Naxçıvan KOBİM-in təşkilatçılığı ilə " Vergi Qanunvericiliyi" mövzusunda növbəti təlim keçirilib. 11 iştirakçının qatıldığı təlimdə Naxçıvan KOBİM-in təlimçi-eksperti tərəfindən iştirakçılara vergi qanunvericiliyinin strukturu və əsas müddəaları, dövlət vergi orqanlarının rolu və funksiyaları, vergi uçotunun aparılması qaydaları barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.