Xəbərlər

Naxçıvan KOBİM-in təşkilatçılığı ilə "Yaşıl iqtisadiyyat" mövzusunda növbəti təlim keçirilib.

Naxçıvan KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 15-də Naxçıvan KOBİM-in təşkilatçılığı ilə "Yaşıl iqtisadiyyat" mövzusunda növbəti təlim keçirilib. 17 iştirakçının qatıldığı təlimdə Naxçıvan KOBİM-in təlimçi-eksperti tərəfindən iştirakçılara yaşıl iqtisadiyyatın anlayışı və prinsipləri, yaşıl iqtisadiyyatın kənd təsərrüfatı sektoruna olan təsiri, kənd təsərrüfatında ekosistem xidmətlərinin rolu barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.