Xəbərlər

Naxçıvan KOBİM tərəfindən "Biznesdə Ünsiyyət Qaydaları" adlı təlim keçirilib.

Naxçıvan KOB İnkişaf Mərkəzi (KOBİM) tərəfindən KOB subyektləri üçün maarifləndirici təlimlərin təşkili davam edir. Noyabrın 25-də Naxçıvan KOBİM-in təşkilatçılığı ilə Naxçıvan Biznes Mərkəzində sahibkarlar üçün Ramal Məmişov tərəfindən " Biznesdə Ünsiyyət Qaydaları " adlı təlim keçirilib. 11 nəfər KOB subyektinin iştirak etdiyi təlimdə Naxçıvan KOBİM-in eksperti tərəfindən kiçik və orta sahibkarlara səmərəli ünsiyyət praktikalarının inkişaf etdirilməsində köməklik göstərilmiş, biznes münasibətlərində əldə edəcəyi düzgün kommunikasiya vərdişləri aşılanmışdır . Təlimdə sahibkarlıq subyektlərinin qurduğu bizneslərdə daxili və xarici tərəfdaşlarla effektiv ünsiyyət praktikalarına geniş yer ayrılmışdır . Daxili kommunikasiya faktorları, ünsiyyətə mane olan amillər və bu maneələrin aradan qaldırılması yolları göstərilmişdir . Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb . Təlimin sonunda həmçinin iştirakçıların hər birinə təlimdə iştirak etdiyi üçün sertifikat da təqdim edilib .