Xəbərlər

Naxçıvan KOBİM tərəfindən "Effektiv Marketinq sisteminin qurulması" adlı təlim keçirilib.

Naxçıvan KOB İnkişaf Mərkəzi (KOBİM) tərəfindən KOB subyektləri üçün maarifləndirici təlimlərin təşkili davam edir. İyulun 26 - da Naxçıvan KOBİM-in təşkilatçılığı ilə Naxçıvan Biznes Mərkəzində sahibkarlar üçün Xəyal Çərkəz tərəfindən " Effektiv Marketinq sisteminin qurulması " adlı təlim keçirilib. 6 nəfər KOB subyektinin iştirak etdiyi təlimdə Naxçıvan KOBİM-in eksperti tərəfindən Ümumi marketinq anlayışları və şirkətin marketinq hədəflərinin müəyyən edilməsi; Marketinq strategiyası ; Effektiv marketinq strategiyasının hazırlanması haqqında ətraflı məlumat verilib . Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Təlimin sonunda həmçinin iştirakçıların hər birinə təlimdə iştirak etdiyi üçün sertifikat da təqdim edilib . Qeyd edək ki, Naxçıvanda fəaliyyət göstərən sahibkarlar təlim, məsləhət və şəbəkələşmədə dəstək xidmətləri üçün Naxçıvan KOBİM - ə müraciət edə bilərlər, xidmətlər ödənişsiz həyata keçirilir.