Xəbərlər

Naxçıvan KOBİM tərəfindən " İnsan Resursları " adlı təlim keçirilib.

Naxçıvan KOB İnkişaf Mərkəzi (KOBİM) tərəfindən KOB subyektləri üçün maarifləndirici təlimlərin təşkili davam edir. Noyabrın 26- da Naxçıvan KOBİM-in təşkilatçılığı ilə Naxçıvan Biznes Mərkəzində sahibkarlar üçün Zəhra Bağırova tərəfindən " İnsan Resursları " adlı təlim keçirilib. 10 nəfər KOB subyektinin iştirak etdiyi təlimdə Naxçıvan KOBİM-in eksperti tərəfindən insan resurslarının təşkilatlanması, insan resurslarının planlanması, işə qəbul və seçim mərhələləri, adaptasiya sisteminin qurulması, xidməti fəaliyyətin (performansın) idarə edilməsi, təlim və inkişaf sisteminin qurulması, əmək hüququ, əmək müqavilələri, işçi və işəgötürən arasında hüquqi prosedurlar, işçilərin və işəgötürənlərin vəzifə və öhdəlikləri və yaşı 18-dən aşağı olan işçilərə olan güzəşt və imtiyazlar, əmək normaları və s. haqqında ətraflı məlumat verilib . Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Təlimin sonunda həmçinin iştirakçıların hər birinə təlimdə iştirak etdiyi üçün sertifikat da təqdim edilib .