Xəbərlər

Naxçıvan KOBİM tərəfindən " İnsan Resurslarının idarə olunması " adlı təlim keçirilib.

Naxçıvan KOB İnkişaf Mərkəzi (KOBİM) tərəfindən KOB subyektləri üçün maarifləndirici təlimlərin təşkili davam edir. İyulun 24-də Naxçıvan KOBİM-in təşkilatçılığı ilə Naxçıvan Biznes Mərkəzində sahibkarlar üçün Yaşar Süleymanov tərəfindən " İnsan Resurslarının idarə olunması " adlı təlim keçirilib. 30 nəfər KOB subyektinin iştirak etdiyi təlimdə Naxçıvan KOBİM-in eksperti tərəfindən İnsan resurslarının təşkilatlanması; İnsan resurslarının planlaması ; İşə qəbul və seçim mərhələləri haqqında ətraflı məlumat verilib . Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Təlimin sonunda həmçinin iştirakçıların hər birinə təlimdə iştirak etdiyi üçün sertifikat da təqdim edilib . Qeyd edək ki, Naxçıvanda fəaliyyət göstərən sahibkarlar təlim, məsləhət və şəbəkələşmədə dəstək xidmətləri üçün Naxçıvan KOBİM - ə müraciət edə bilərlər, xidmətlər ödənişsiz həyata keçirilir.