Xəbərlər

Naxçıvan KOBİM tərəfindən "Layihələrin idarə olunması" adlı təlim keçirilib

Naxçıvan KOB İnkişaf Mərkəzi (KOBİM) tərəfindən KOB subyektləri üçün maarifləndirici təlimlərin təşkili davam edir. İyulun 28-də Naxçıvan KOBİM-in təşkilatçılığı ilə Naxçıvan Biznes Mərkəzində sahibkarlar üçün Kamran Cəbrayılov tərəfindən " Layihələrin idarə olunması " adlı təlim keçirilib. 7 nəfər KOB subyektinin iştirak etdiyi təlimdə Naxçıvan KOBİM-in eksperti tərəfindən Layihə nədir ; Layihələrin təyinatı ; Təsnifatı və idarə edilməsinə ehtiyac ; Layihənin məqsədləri və layihə təklifi hazırlamaq üçün metodologiya ; Layihənin strukturu, həyat dövrü və mərhələləri haqqında ətraflı məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Təlimin sonunda həmçinin iştirakçıların hər birinə təlimdə iştirak etdiyi üçün sertifikat da təqdim edilib . Qeyd edək ki, Naxçıvanda fəaliyyət göstərən sahibkarlar təlim, məsləhət və şəbəkələşmədə dəstək xidmətləri üçün Naxçıvan KOBİM - ə müraciət edə bilərlər, xidmətlər ödənişsiz həyata keçirilir.