Xəbərlər

Naxçıvan KOBİM tərəfindən "Marketinqin əsasları" adlı təlim keçirilib.

Naxçıvan KOB İnkişaf Mərkəzi (KOBİM) tərəfindən KOB subyektləri üçün maarifləndirici təlimlərin təşkili davam edir. Sentyabrın 14-də Naxçıvan KOBİM-in təşkilatçılığı ilə Naxçıvan Biznes Mərkəzində sahibkarlar üçün Badisəba Sadiqova tərəfindən " Marketinqin Əsasları " adlı təlim keçirilib. 20 nəfər KOB subyektinin iştirak etdiyi təlimdə Naxçıvan KOBİM-in eksperti tərəfindən Marketinq nədir , Brend marketinqin kommunikasiya əməliyyatları, Satış və onun təşkili prosesi, “B2C”, “B2B” və “B2G” satışın təşkili haqqında ətraflı məlumat verilib . Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Təlimin sonunda həmçinin iştirakçıların hər birinə təlimdə iştirak etdiyi üçün sertifikat da təqdim edilib . Qeyd edək ki, Naxçıvanda fəaliyyət göstərən sahibkarlar təlim, məsləhət və şəbəkələşmədə dəstək xidmətləri üçün Naxçıvan KOBİM-ə müraciət edə bilərlər, xidmətlər ödənişsiz həyata keçirilir.