Xəbərlər

Naxçıvan KOBİM tərəfindən "Risklərin idarəolunması" adlı təlim keçirilib .

Naxçıvan KOB İnkişaf Mərkəzi (KOBİM) tərəfindən KOB subyektləri üçün maarifləndirici təlimlərin təşkili davam edir. Mayın 17-də Naxçıvan KOBİM-in təşkilatçılığı ilə Naxçıvan Biznes Mərkəzində sahibkarlar üçün Elxan Sultanlı tərəfindən " Risklərin idarəolunmasıi " adlı təlim keçirilib. Təlim zamanı Risklərin kvalifikasiyası ; Riskin İdarə edilməsi yeni bilik sahəsi kimi ; Risklərin növləri ; Riskin idarə edilməsi prosesinin təşkili və Riskin araşdırma üsullarından bəhs edilib . Risklərin müəyyən edilməsi və nəzərə alınması, keyfiyyəti idarəetmə sisteminin effektivliyinin artırılması və daha yaxşı nəticələrə nail olmaq üçün bir sıra mövzular ətrafında müzakirələr aparılmışdır . Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Təlimin sonunda həmçinin iştirakçıların hər birinə təlimdə iştirak etdiyi üçün sertifikat da təqdim edilib . Qeyd edək ki, Naxçıvanda fəaliyyət göstərən sahibkarlar təlim, məsləhət və şəbəkələşmədə dəstək xidmətləri üçün Naxçıvan KOBİM-ə müraciət edə bilərlər, xidmətlər ödənişsiz həyata keçirilir.