Xəbərlər

Naxçıvan KOBİM tərəfindən “Sahibkarlığın inkişafı” mövzusunda təlim keçirilib.

Naxçıvan KOB İnkişaf Mərkəzi (KOBİM) tərəfindən KOB subyektləri üçün maarifləndirici təlimlərin təşkili davam edir. İyunun 25-də Naxçıvan KOBİM-in təşkilatçılığı ilə Naxçıvan Biznes Mərkəzində sahibkarlar üçün Elxan Sultanlı tərəfindən " Sahibkarlığın İnkişafı " adlı təlim keçirilib. 12 nəfər KOB subyektinin iştirak etdiyi təlimdə Naxçıvan KOBİM-in eksperti tərəfindən Sahibkarlıq biliklərinə malik olmaq ; İdarəetmə bacarıqlarının istifadə edilməsi : Bazarın analiz edilməsi ; Müştəri məmnuniyyəti və şirkət daxili etika eyni zamanda Maliyyə uçotunun əsasları haqqında ətraflı məlumat verilib. Həmçinin uğurlu sahibkar olmaq üçün bir sıra üstün keyfiyyətlərdən bəhs edilərək , sahibkarlar özlərində olan çatışmayan cəhətləri müəyyən ediblər . Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Təlimin sonunda həmçinin iştirakçıların hər birinə təlimdə iştirak etdiyi üçün sertifikat da təqdim edilib . Qeyd edək ki, Naxçıvanda fəaliyyət göstərən sahibkarlar təlim, məsləhət və şəbəkələşmədə dəstək xidmətləri üçün Naxçıvan KOBİM - ə müraciət edə bilərlər, xidmətlər ödənişsiz həyata keçirilir.